水晶佩戴指南
佩戴水晶都有小學問 — 左手右手點分、幾時唔應該戴、點樣保養。以下係常見嘅佩戴注意事項。
左手定右手？
左手 — 吸收能量、招引
傳統說法左手係「吸收」手，適合佩戴招財、吸引正面能量嘅水晶，例如草莓晶、粉晶、海藍寶、黃水晶等。
右手 — 輸出能量、避擋
右手係「輸出」手，適合佩戴防護、擋煞嘅水晶，例如黑碧璽、黑曜石、茶晶等。
佩戴八大禁忌
- ① 唔好戴住沖涼／瞓覺 — 沐浴露、汗水會影響水晶，瞓覺時亦容易碰撞。除低放入盒或用白水晶碎石擺放。
- ② 去墓地、醫院等場所避免佩戴 — 傳統認為會吸收較強嘅負能量，去完要即時消磁。
- ③ 水晶被人摸咗要消磁 — 每個人能量唔同，接觸後建議消磁一次。
- ④ 戴單不戴雙 — 傳統說法佩戴水晶手串以單圈為主。
- ⑤ 唔好隨意丟棄水晶 — 若唔再佩戴，可送人、轉贈或埋回自然，唔好當垃圾掉。
- ⑥ 戴少不戴多 — 一次佩戴太多款水晶，能量可能互相干擾，建議以 1–2 款為主。
- ⑦ 疊戴有講究 — 想疊戴要揀能量相合嘅組合，避免相沖（例如同時戴招財同擋煞類要留意）。
- ⑧ 收到新水晶先消磁再戴 — 新水晶經過多人接觸，佩戴前一定要消磁淨化。
日常保養
- 避免碰撞同高溫，唔戴時放入絨布袋或飾物盒
- 用清水沖洗 + 軟布拭乾，避免化學清潔劑
- 每 1–2 星期消磁一次，詳見「水晶消磁指南」
- 換線或維修可搵我哋幫手
※ 佩戴習俗及能量說法屬傳統民俗文化觀點，僅供參考，不構成醫療或科學保證。